Tal percors viers Pordenon la Capitâl europeane de culture dal 2027, Villa Cattaneo e vierç vinars ai 8 la plui grande mostre di simpri dedicade al gjeni musicâl che al à mudât il vincjesim secul, tal centenâr de nassite di Miles Davis, l’artist che al à trasformât i paisaçs sonors de culture contemporanie. Il comun di Pordenon e Jazzinsieme a àn dedicât une mostre a cheste icone dal jazz, pensade par jessi scoltade pluitost che viodude. Curade di Enrico Merlin, la mostre e je produsude in colaborazion cun istituzions di pesi e cul supuart de famee Davis. L’obietîf al è chel di tirâ dentri il public intune esperience sensoriâl che e messede musiche, tecnologjie e narazion viauâl, superant l’itinerari cronologjic tradizionâl e fasint invezit un viaç traviers lis trasformazions continuis di un om che al jere plui di un inovadôr. I ponts fuarts da mostre a son la trombe origjinâl di Miles Davis, plui di 300 discs di scoltâ, fotografiis origjinâls, rivistis di epoche e documents di archivi viodûts di râr. (A.I.) – 07.05.2026
Foto di A. Barboza
