La mont cjargnele tes fotos di Ulderica

Si scree miercus aes 5 di dopomisdì te galarie “Tina Modotti” di Udin 10 la mostre “Passaggi”, passaçs, sottitulade “Sul fil dal timp”: un viaç fotografic jenfri vielis e zovinis gjenerazions di malgârs fat di Ulderica Da Pozzo. Un progjet, chel de fotografe cjargnele, nassude dal desideri di puartâ indevant e rinovâ la ricercje fate za tai agns Setante cuntun lavôr coletîf che al veve tirât dentri ancje ricercjadôrs e autôrs di documentaris. La mostre, inmaneade te suaze di “Friuli Doc”, e presente fotos, contis e intervistis racueltis di Ulderica Da Pozzo tai ultins cuarante agns, cul spirt de etnoantropolighe. (A.I.) – 10.09.2025