La miniere di Rabil in mostre li dal Città Fiera

E je vierte li dal centri comerciâl Città Fiera la mostre “La miniere di Rabil”, un percors fotografic e un documentari che al torne a dâ dignitât e memorie ae vite dai minadôrs di Rabil, contant la fadie dal lavôr, la cuotidianitât in galarie e il leam jenfri ‘om e la mont. L’omaç al rive di imagjinis di epoche e documents storics ator di une miniere che par secui e je stade une risorse pe comunitât dal lûc. Il percors al compagne i visitadôrs dilunc de storie fint ae sieradure dal implant tal 1991. Vuê, dutis lis galariis sot tiere – 130 km su 19 nivei – al è deventât il Parc internazionâl gjeuminerari di Rabil, un biel model di valorizazion industriâl e culturâl. (A.I.) – 15.05.2025