La memorie dal taramot tal cjistiel di Glemone

La mostre “Memorie Riflesse. Lo sguardo incontra il ricordo” (Memoris rifletudis. Il voli al cjate la memorie) e je stade screade inte ex preson dal cjistiel di Glemone, promovude dal Assessorât de culture dal Comun pal cincuantesim aniversari dal taramot. Il progjet al è stât pensât par jessi un esercizi di memorie e, tal stes timp, tant che un at di responsabilitât publiche. No dome une comemorazion, ma un viaç che al sedi bon di interogâ la relazion jenfri disgracie e identitât, distruzion e ricostruzion, dolôr privât e storie coletive. La mostre e torne a contâ i cincuante agns dal taramot dal 1976 doprant imagjins, documents, testemoneancis, materiâi fotografics e video, instalazions imersivis e ricercjis di archivi. Une storie sensoriâl par adults e fruts, une imersion emotive inte anime di un popul che al è stât bon di tornâ a fa sù il so avignî cence mai dismenteâ lis sôs lidrîs. La mostre e je in dialic cul libri dal stes non, jessût par Forum e curât di Giacomina Pellizzari. (A.I.) – 06.05.2026