La galarie “Spazzapan” e torne a vierzi cun dôs mostris

La galarie de art contemporanie “Luigi Spazzapan” di Gardiscje e torne a vierzi al public daspò di une schirie di lavôrs impuartants a nivel de struture, che le àn rinovade, slargjade e miorade sul plan funzionâl. I lavôrs a son stâts fats te sede storiche de galarie, che si cjate te ale nord di Palaç Torriani, in trê plans: cul ampliament al è nassût il SpazioLab, un grant spazi viert te biblioteche comunâl di vie Bergamas. Gjestide par cure dal Erpac, la galarie e vierç miercus al prin di Otubar aes 6 dopomisdì, screant dôs mostris, che a saran viertis fint ai 28 di Fevrâr dal 2026. La prime e je “Zigaina in dialogo” (Zigaina in dialic), par cure di Lorenzo Michelli e Vanja Strukelj e in colaborazion cun CSAC – Universitât di Parme e la seconde “Un secolo di disegno italiano” (Un secul di dissen talian), par cure di Andrea Bruciati. (A.I.) – 30.09.2025