La Fototeche de Cjargne e vierç lis puartis a Sudri

La Fototeche de Cjargne e vierç lis sôs puartis in maniere virtuâl. In gracie dal progjet “CarniaFotografie 4.0”, promovût de comunitât di mont cul circul culturâl fotografic cjargnel e sostignût di finanziaments regjonâi, plui o mancul 15.000 fotografiis storichis de zone si puedin viodi cumò in rêt. Par discuti dal valôr storic di chestis imagjins e de dibisugne di preservâlis, e je stade inmaneade une conference martars ai 18 aes 6 e mieze te Sale polifunzionâl di Sudri. Al sarà un viaç inte memorie coletive traviers dai voi dal fotograf Giuseppe Schiava, che tes sôs fotografiis al à conservât e contât la anime, lis musis e i cambiaments di Sudri e de Cjargne. La cunvigne e sarà ancje la ocasion par presentâ lis lis stazions di consultazion dai archivis in rêt metûts adun te suaze dal progjet e ospitât in cuatri spazis publics a Tumieç, Davâr, Dimpeç e Sudri. (A.I.) – 17.08.2026