La Fondazion Danieli e conte un lûc tal cûr de Europe

Un lûc di incuintri e di incressite, viert al dialic e ae partecipazion: e je la “mission” de Fondazion Luigi Danieli di Buri, che chest an e dediche doi apontaments speciâi al imprenditôr (1915-1993) che al fasè nassi une aziende, la Danieli, deventade une des plui impuartantis tal Mont. Vinars ai 16 di Avrîl, i curadôrs Carlotta Manaigo e Bartolomeo Rossi a presentaran cun Elena Saraceno il catalic di fotos “Luigi Danieli The Quiet Engineer. A Visual Memoir 1946 – 1978”, che a contin l’om e l’imprenditôr. Ai 23 dal stes mês, il dialic “Un lavoro dal volto umano” cun Luca Grion, Mario Robiony e Giorgio Visentini par rifleti ator de imprese no dome tant che lûc di produzion, ma ancje laboratori di inovazion, relazions e visions che al tire dentri dute la comunitât. I prins events de fondazion, dai 15 di Zenâr, a contaran la nestre regjon tant che crosere tal cûr de Europe; di Fevrâr, altris apontaments cun storiis di oms straordenaris, di Leonardo da Vinci (contât di Simone Marcucci) a Enzo Ferrari. (A.I.) – 13.01.2026