Pordenonelegge, la fieste dai libris e de libertât si vierç chest an a Lignan prime che te citât là che e je nassude: il stes al jere za sucedût cualchi setemane indaûr par “Friuli Doc”. Martars ai 2 di Setembar la vincjesime seste edizion de rassegne promovude de Fondazion Pordenonelegge.it vuidade di Michelangelo Agrusti, par cure dal diretôr artistic Gian Mario Villalta cun Alberto Garlini e Valentina Gasparet, e presente la anteprime tal centri congrès “Kursaal”. Ospite la scritore Nadia Terranova, finaliste dal Premi “Strega” 2025, che e presente il so ultin romanç “Quello che so di te” in dialic propit cun Garlini. Il prin event public di pordenonelegge, che si davuelç dai 17 ai 21 di Pordenon e tai lûcs che a saran part dal “Fuoricittà” 2025, al sarà dopleât a Udine. La seconde anteprime, te sede de fondazion Friuli, e viodarà la presince dal innomenât jurist Giovanni Maria Flick. (A.I.) – 01.09.2025
Foto di M. Casilli
