La ereditât di Pasolini: dificile, ma atuâl

Vinars ai 24 aes cinc di dopomisdì te sale conferencis de Biblioteche statâl Stelio Crise a Triest al sarà presentât il libri “Pier Paolo Pasolini, la poesia dell’incontro (La poesie dal incuintri) di Francesco Chianese, publicât di Feltrinelli inte serie curade di Massimo Recalcati. Un ricercjadôr indipendent e itinerant, Chianese al esplore la figure e il lavôr di Pasolini, scomençant de sô molteplicitât, che lu à fat deventâ une des vôs plui origjinâls e contraditoriis de Italie dal vincjesim secul. Passe cincuante agns daspò de sô muart tragjiche, chest libri al ordene un patrimoni, chel dal inteletuâl, complès e ancjemò atuâl, mostrant cemût che Pasolini al anticipave lis cuistions cruciâls dal nestri mont contemporani. (A.I.) – 23.04.2026