La ereditât dai agns Otante

Andy Fumagalli, artist, musicist e cofondadôr dai Bluvertigo cognossût dome cul non di Andy, al sarà il relatôr principâl dal incuintri “Popo Society”, in detai: “Societât pop – musiche, imagjins e trasformazions sociâi tai agns Otante”, programât par vinars ai 28 aes 5 e mieze di dopomisdì te Galarie Regjonâl di art contemporanie “Luigi Spazzapan” di Gardiscje. Intune conversazion cun Gabriele Medeot, Andy al puartarà il public a une discussion vivarose par tirâ dentri ducj su cemût che i agns Otante a àn mudât il lengaç visîf, musicâl e culturâl, lassant un patrimoni che al è ancjemò visibil inte societât contemporanie. La interviste e siere une schirie di cuatri apontaments a teme che a àn puartât il public atraviers dai moments plui significatîfs dal deceni. (A.I.) – 27.11.2025