La difese de democrazie

Intun timp segnât di polarizazion, malinformazion e malfidence viers lis istituzions, il Centri Culturâl Regjonâl “Enzo Piccinini” al ufrìs, te suaze dal program de “Gnot dai Letôrs” di Udin, un event di riflession publiche dedicât ae fragjilitât de democrazie e aes cundizions necessariis par tignîle. Al centri de serade di sabide ai 6 te cort Morpurgo e sarà la presentazion dal libri “La democrazia non esiste in natura. Lezioni di storia politica in difesa dei valori comuni” (La democrazie no esist te nature. Lezions di storie politiche in difese dai valôrs comuns) di Marta Cartabia e Luciano Violante: une esortazion a no considerâ la democrazie alc che al è za chi pront par ducj, ma tant che une esperience storiche e civîl che e va curade ogni dì. Il relatôr dal event, programât pes 7:30 di sere, al sarà Luciano Violante, ex magjistrât, professôr universitari, e figure impuartante intes istituzions de Republiche taliane. (A.I.) – 05.06.2026