La comunitât di poesie che e fevele dal dì di vuê

Tal teatri “Verdi” di Pordenon a tornin i martars di poesie (martedìpoesia), che di un pâr di agns a son in struc incuintris “a teme” promovûts de Fondazion Pordenonelegge.it par cure di Roberto Cescon e Alessandro Canzian di Samuele Editore. Inte “citât de poesie” che e inmanee une schirie di events vie pal an, la idee e je stade subite chê de meti lis peraulis poetichis in relazions aes grandis cuistions dal dì di vuê, ancje analizant e contant autôrs dal passât. Il prin incuintri dal 2025, martars ai 6 di Mai tal ‘Ridot’ dal teatri, al sarà dedicât al scritôr Carlo Emilio Gadda. “Lettera a Gadda” e je une lungje leture poetiche cun plui vôs, par rivâ a jentrâ cul scritôr te cjase contade tal romanç “La cognizione del dolore”. I tescj a son stâts scrits e condividûts de “ Pordenone Poesia Community”, la comunitât dai poetis di Pordenon, che e va su la sene cu la regjie dal atôr, autôr e cjantant Mattia Lanteri. (A.I.) – 05.05.2025