La cjiçute Pimpa a Udin fint ai 6 di Zenâr

Daspò di pôc plui di un mês de sô viertidure ai 25 di Otubar, la mostre “Buon compleanon, Pimpa!” te ex Glesie di S. Francesc a Udin e à za tirât dongje 10.574 visitadôrs. E cence contâ ancje i plui di mil che a son lâts ae zornade di scree par fâ fieste cul mestri dissegnadôr Altan, che al à creâ il personaç a fumet cincuante agns indaûr. Di chel dì, un flus costant di fameis, scuelis e grups di amîs: ducj pronts a jentrâ inte “cjase de Pimpa”, la cusine colorade, il tinel cussì fof e la sô cjamare di insium, dulà che lis aventuris animadis a passin cence polse. A son stâts pardabon cetancj in cussì pôc timp che la citât di Udin e à cjapât une decision naturâl: che di prolungjâ la mostre dedicade ae cjiçute a balutis rossis fint ai 6 di Zenâr dal an che al ven. (A.I.) – 26.11.2025