La citât dai condominis slusints

Contâ la storie di Udin, che tal 1965 e jere stade clamade dal gjornalist Giorgo Bocca, “la citât dai condominis slusints”, de fin de Seconde vuere mondiâl al Taramot dal 1976, passant pes storiis ator la costruzion des “cjasis altis”. Ven a stai, propit i condominis fats a Udin dai agns 40 fint ai 70. E je la idee dal progjet di divulgazion “Case alte a Udine 1946 – 1976” (Cjasis altis a Udin), coordenât di Anna Frangipane dal Dipartiment di inzegnarie e architeture de Universitât di Udin, in colaborazion cu lis Gallerie del Progetto (Galariis dal progjet) di palaç Morpurgo e la Sorintendence regjonâl. Il progjet al ven dopo di un studi finanziât de Regjon, fat su plui o mancul 120 120 edificis “fûr scjale” e al tache cul prin di sîs incuintris, miercus ai 21, te sale Florio di Palaç Florio. Po dopo, a saran inmaneâts ancje une schirie di itineraris di visitâ e une grande mostre (A.I.) – 20.05.2025