La capitâl de culture europeane e tacarà di Ungaretti

da Andrea Ioime

Il poete Ungaretti al è il prin testemoni publicitari di “GO! 2025 Nova Gorica – Gurize, capitâl europeane de culture”. Un grant progjet, ideât e curât di Marco Goldin, al vignarà dedicât al grant poete Giuseppe Ungaretti e al Cjars dulà che al à combatût inte Prime vuere mondiâl. Il progjet al larà a finî in Otubar inte dople mostre “Ungaretti poeta e soldato. Il Carso e l’anima del mondo. Poesia, pittura storia” (Ungaretti poete e soldât. Il Cjars e la anime dal mont. Poesie, piture storie) che si disviluparà tra Gurize (Museu di Santa Clara) e Monfalcon (Galarie comunâl di art contemporanie), anticipade di un spetacul teatrâl che in Avrîl al vignarà puartât in cinc teatris dal Friûl-Vignesie Julie e in un dal Venit. Il spetacul, cu la regjie dal stes Goldin, al contarà la storie di Ungaretti sul Cjars, cu la vôs di Antonella Ruggiero e lis musichis di Remo Anzovino. (A.I.) – 01.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui