La biblioteche de SFA dedicade a Giovanni Tita Brusin

Vinars ai 6 di Dicembar, te sede de torate di puarte Vilalte a Udin, e sarà screade la biblioteche de SFA, la Societât Furlane di Archeologjie, che e sarà intitulade a Giovanni Tita Brusin, il plui grant archeolic di Aquilee dal Nûfcent. Soredut, l’om che al à fat cognossi cui siei scrits e pe radio il patrimoni storic e archeologjic dal Friûl, lavorant ai timps dal Imperi austroongjarês cui studiôs e lis istituzions de Austrie e di chês che vuê a son Slovenie e Cravuazie. Ricognossude chest an de Regjon tant che “centri di divulgazion umanistiche”, la societât dal president Maurizio Buora a metarà a disposizion di ducj i siei volums – golainis a teme, monografiis, manuâls, publicazions didatichis – e dut ce che e al è jessût cul risultât dai lavôrs de SFA. (A.I.) – 05.12.2024