La art di doprâ i spazis dismenteâts

Te galarie “Spazzapan” di Gardiscje, joibe ai 4 di Avrîl aes 6 dopomisdì, si tignarà la presentazion dal libri “You are beautiful. Riuso creativo degli spazi dimenticati”, jessût par Gaspari, scrit de storiche, critiche e curadore di art Francesca Agostinelli, cun tescj di Diana Barillari e di Alessandra Marin. Il libri al vûl dâ rispuestis a cualis che a sedin lis pussibilitâts reâls de art di incidi sui spazis dismenteâts. Cun di plui, al indaghe su cuâi che a sedin lis formis plui justis che la creativitât e à di assumi par jentrâ intai procès urbans e su cuale gjeografie urbane, fisiche e sociâl nus spiete pal avignî. In dialic cu la autore, il curadôr de Galarie regjonâl di art contemporanie, Lorenzo Michelli. (A.I.) – 03.04.2024