Une esplorazion dai lengaçs de architeture che si son disvilupâts jenfri Friûl-Vignesie Julie e Slovenie, doi teritoris dividûts dal confin ma dispès leâts de storie, culture e politiche. No par contâ une storie complete de architeture di confin, ma par confrontâ edificis diferents, là che ci cjatin plui afinitâts e contaminazions che diferencis. “Le affinità di confine” al è il titul di une mostre vierte a Triest, li dal Magazino delle Idee, par cure di Luka Skansi e Paolo Nicoloso dentri di “GO! 2025&Friends”, che e esplore un secul di architeture transfrontaliere cu lis fotos di Roberto Conte e Miran Kambič. Dôs par volte: cincuante pârs di edificis tirâts su tai dôi paîs, metudis dongje par epoche, tematiche o funzion. De epoche dal Imperi austroongjarês ae Jugoslavie socialiste, passant pes stagjons dal ‘modernisim’ o dal ‘regjonalisim’, fint aes ultimis tindincis o ‘modis’ de architeture, la mostre e fâs viodi cetant lizêrs che a son i confins culturâls. Par esempli, cetant che si somein il dentri dal Tempio Ossario di Udin fat tai agns 20-30 a Udin e il difûr dal Zardin di Ducj i Sants di Lubiane, tirât su daspò di pôcs agns. (A.I.) – 17.07.2027
Foto di Miran Kambič
