La alegorie de nature te art di Lorenzo Vale

Presentade dal storic e critic de art Giovanni Bianchi, de Universitât di Padue, si scree sabide ai 28 te polvariere napoleoniche di Palme la gnove mostre di Lorenzo Vale, nassût tal 1973 a Glemone, un artist che di cualchi an al à viert un studi a Udin e al à presentât dapardut i siei lavôrs, ispirâts dal misteri de nature e dal ont che no si viôt. “Dipinti del terzo giorno”, pituris dal tierç dì, al presente 33 gnovis oparis – pituris e ancje incisions – cuntune poetiche artistiche leade al simbul e ae alegorie de nature e des bestiis, che e e cjate une gnove fuarce oniriche tes composizions e tai colôrs sielts pes oparis che si viodaran a Palme. Pal critic Vanni Cuoghi, “Lorenzo Vale al piture a vueli e a incjant, une tecniche che bisugne tacâ a dâ za cuant che si è piçui. Ducj a son bogns di fâle, ma in pôcs a rivin cuant che a son grancj, parcè che l’incjant al è leât a un mont di fantasie, ae narazion des flabis, al insium”. La mostre e sarà vierte tai fins de setemane, fint ai 12 di Avrîl, ancje il dì e il lunis di Pasche. (A.I.) – 20.03.2026