Kennedy: il cine dal maçalizi

La rassegne che e compagne la mostre “Allo specchio dell’era Kennedy”, vierte fint ai 6 di Jugn tal Cjistiel di Glemone, e va indevant li dal cine “Sociale”, miercus ai 27 aes 8.30 sotsere, cuntun program dopli, che al met adun dôs preziosis testemoneancis dal tragjic avigniment: il maçalizi di John F. Kennedy a Dallas ai 22 di Novembar dal 1963. Al centri dal program al è il cine une vore curt, dome seconts, zirât dal cine amadôr Abraham Zapruder cjapant il sassinament dal President american. Chel filmât si cjate ancje dentri dal documentari “Image of an Assassination”, une ricostruzion di H.D. Motyl dal 1998. Prime de proiezion, al sarà fat scoltâ in sale, cui sottitui sul schermi tant che par un cine, il toc “Murder Most Foul” dal 2020: 16 minûts là che il cjantant Bob Dylan al met in struc il so ricuart traumatic di chel fat. (A.I.) – 26.03.2024