Incuintris tal Istât tal Centri “Pasolini”

No je dome une stagjon, ma une dimension de anime, consacrade intal viers di Pasolini “in un colore eterno d’estate” (intun colôr eterni dal Istât). Chestis peraulis a son di ispirazion pal titul dal program estîf dal Centri studis “Pier Paolo Pasolini”, che tai mês di Jugn e di Lui al ufrîs une schirie di events a Cjasarse e in altris lûcs de zone: libris, musiche, riflessions e percors di scuvierte dedicâts al patrimoni culturâl dal scritôr. Sîs incuintris che a confermin la vitalitât di un pinsîr che al è ancjemò bon di metisi in dialic cul presint, tirant dentri studiôs, letôrs, fameis e apassionâts. Il program al vierç martars ai 9 aes 9 di sere tal zardin dal palaç Burovich cun “L’eredità di Pier Paolo Pasolini: il paesaggio marginale come luogo di sacralità nei videoclip” (La ereditât di Pier Paolo Pasolini: il paisaç margjinâl tant che lûc di sacralitât tai videoclips musicâi), te suaze de rassegne, “Le Giornate della Luce”, cun Luca Pacilio e Alessandro Ronchi. (A.I.) – 08.06.2026