Incuintris cul autôr: si tache cul psichiatri

La vincjesime edizion di “Incuintris cul autôr e cul vin” si vierç joibe ai 11 aes 6 e mieze dal dopomisdì tal PalaPineta di Lignan Pinede. La rassegne storiche, promovude de “Lignano nel Terzo Millennio” vuidade di Giorgio Ardito, e je curade dal scritôr Alberto Garlini, dal tecnolic alimentâr Giovanni Munisso e dal produtôr di vin Michele Bonelli. Il program si vierzarà cun Vittorino Andreoli, un dai psichiatris e scritôrs plui innomenâts de Italie, che al presentarà il so ultin saç, “I paradossi dell’esistenza. Come tenere in equilibrio la nostra mente “ (I paradòs de esistence: cemût tignî in ecuilibri il cjâf), in conversazion cun Elisabetta Pozzetto. Intal so gnûf saç, Andreoli al puarte il letôr a une riflession su lis contradizions che a àn simpri compagnât la esistence umane e che dal dì vuê, te societât contemporanie, a somein jessi deventadis ancjemò plui evidentis. (A.I.) – 10.06.2026