In Valcjanâl si puedin visitâ i Sants Sepulcris

Fint al Lunis di Pasche (ai 21 di Avrîl), intes glesiis de Valcjanâl – di S. Liopolt a Fusinis – si puedin amirâ i Sants Sepulcris (Božji grobovi, Heilige Gräber), che a consistin in rapresentazions, pal plui taulis di len piturât, dal sepulcri là che al fo Crist. Al moment in Valcjanâl si puedin viodi sedi tocs che a vegnin dal passât e conservâts, sedi chei che a son stâts ricostruîts.  La novitât di chest an, in Valcjanâl, al è che al è stât preparât il Sepulcri ancje inte glesie parochiâl dai Sants Pieri e Pauli a Tarvis. Vuê al è un patrimoni di dute la comunitât, ma pe storie e je in cualchi mût une espression de comunitât locâl di lenghe todescje. La sô comission, di fat, e je stade fate intun passât là che la lenghe doprade di plui inte capitâl de Valcjanâl al jere il todesc. (A.I.) – 17.04.2025