In ricuart dal Beât Beltram

Il Comun di Martignà al inmanee pe tierce volte une schirie di events dedicâts al Beât Beltram (1260-1350), Patriarcje di Aquilee e une des figuris storichis centrâls pe identitât de nestre tiere. L’apontament, dai 4 ai 6 di Jugn, al met dongje aprofondiment, culture e partecipazion, fevelant a dute la comunitât, cun conferencis, cjaminadis e altris iniziativis tal viert, cualchi ospit – l’architet Gianni Virgilio, il storic Mauro Tonino, ma ancje Alberto Travain, Angelo Floramo… Daûr de tradizion, a Martignà si è fate par secui une procession fint al domo di Udin par memoreâ il passaç tal borc dal beât daspò de muart. (A.I.) – 03.06.2026