In mostre lis oparis restauradis dal Museu dal Risorziment

La mostre “1866-2026. Restauri per riscoprire l’arte della libertà” (Restaurs par discuvierzi la art de libertât), curade di Fabio Franz dal Museu Risorziment si scree miercus ai 17 aes cinc e mieze di dopomisdì al tierç plan dal Cjistiel di Udin. La mostre, vierte al public dai 18 di Jugn e fint ai 13 di Setembar, e ufrîs un viaç traviers di pituris, fotografiis e incisions viodudis di râr, viodudis di pôcs, dismenteadis par agnorums e a pene finidis di restaurâ. La mostre e segne un dopli aniversari: i 160 agns da unificazion di Udin e di un biel toc di Friûl cul Ream di Italie, e i 160 agns de fondazion dal Museu Furlan, ducj e doi tal 1866. Par celebrâ l’inovâl, il Museu dal Risorziment al à sielt une schirie di bens artistics e storics che e rivin des sôs colezions, ma che a son stâts platâts par une vore di agns sedi al public che ai studiôs daspò dal taramot dal 1976. Biadelore, cumò a son tornâts a disposizion de comunitât in gracie dai lavôrs di restaur. (A.I.) – 16.06.2026