In mostre lis fameis che a àn sielzût la Cjargne

Sabide ai 12, si vierzarà la mostre di fotografiis “Sconfinare, germogliare. Indagine sulle famiglie in Carnia nel nuovo millennio” tal Centri Culturâl – Cjase dal paisaç di Soclêf. La mostre e presente fotografiis di Ulderica Da Pozzo e une presentazion di Gian Paolo Gri, professôr di antropologjie culturâl te Universitât dal Friûl. Dentri dal program de diesime edizion de Dolomiti Mountain School, la esposizion e cjale lis fameis zovinis e chês gnovis che a àn sielzût di lâ a vivi in Cjargne, o ben di restâ o di tornâ la. Une conte par imagjinis che si concentre su lis personis che a àn decidût di no molâ e di tirâ sù il lôr avignì culì. La mostre e ufrîs une oportunitât par rifleti sui cambiaments de vite in mont e su la capacitât di jessi une part ative di comunitâts vivarosis. La mostre e sarà vierte fin tai 11 di Otubar, la sabide e la domenie. (A.I.) – 11.09.2026