In Badie, Caprarica e conte lis disgraciis de famee reâl inglese

Te Badie di Rosacis in comun di Manzan al torne Antonio Caprarica par presentâ in anteprime regjonâl, vinars ai 6 di Jugn aes 6 di dopomisdì, la sô ultime fadie leterarie “Kate e la maledizione dei Galles” par un dai ultins apontaments de rassegne “I colocuis de Badie”, curade e vuidade di Elda Felluga e Margherita Reguitti e inmaneât de Fondazion “Abbazia di Rosazzo” e de aziende “Livio Felluga”. Il gjornalist e scritôr, za corispondent de Rai a Londre, al proponarà un viaç te storie di îr e tai misteri dal dì di vuê de famee reâl inglese, fevelant ancje di disgraciis e de maledizion che si dîs e cole sui princips e lis principessis dal Galles. (A.I.) – 05.06.2025