Imparâ a ridi cuntune mostre

Une gnove esperience e je stade inmaneade tes salis di esposizion di palaç Frisacco a Tumieç, là domenie ai 25 aes 2 e mieze di dopomisdì si davuelzarà il laboratori “Ridere è vivere (meglio)” (Ridi al è vivi miôr). La iniziative, organizade tant che part de mostre “Le immagini della Fantasia” pes fameis, e je dedicade al “Yoga dal ridi” (Hasyayoga), une pratiche disvilupade in Indie intal 1995, che e sburte il cuarp e il cjâf a ridi cence savê parcè, par tornâ a cjatâ ligrie, serenitât e pâs. Il dopomisdì al scomençarà cuntune visite vuidade ae mostre, che chest an e esplore il teme dal zûc midiant lis oparis di ilustradôrs di dut il mont. Lis imagjins in mostre a saran dopradis tant che come ispirazion par provâ il “Yoga dal ridi”. (A.I.) – 24.01.2026