Il Vanzeli di Marc al torne “a cjase”

Pe prime volte daspò di siet secui, i trê tocs origjinâi dal Vanzeli di Marc, conservâts a Cividât, Vignesie e Praghe, a tornin a Aquilee, il lûc là che e je tacade la lôr storie. Dai 12 di Setembar, il dì de scree uficiâl, e fint ai 25 di Avrîl dal 2027, tal Palaç Meizlik si pues visitâ “Il Vangelo di Marco”, Il Vanzeli di Marc, une mostre sottitulade “Siet secui. Trê tocs. Une conte europeane”. Un cjapitul centrâl de storie religjose e politiche dal continent, contât cu lis vicendis di un manuscrit che daûr de tradizion al jere stât scrit propit dal Sant mandât di S. Pieri a Aquilee par predicjâ il Vanzeli. La Fondazione Aquileia, che e inmanee la mostre curade di Martina Dlabajová, Cristiano Tiussi e Luca Villa, e à metût dongje un dialic penç jenfri istituzions civîls e religjosis e i museus de Italie e de Cechie che pe prime volte al à permetût a chest tesaur di lâ fûr di Praghe. (A.I.) – 11.09.2026