Il timp al centri di une gnove rassegne a Prât

Al tache a Prât di Cjargne, intal Cjanâl Pedarç, la prime edizion de rassegne dedicade al timp “Passeggeri del tempo. Affinché resti memoria” e je une esplorazion dal timp di diferentis bandis: il timp de musiche, chel de memorie e de storie, il timp dal lavôr e chel che al scjampe. In cheste prime edizion di fevelarà di memorie e di timp cuntun calendari plen di apontaments la che si instrecin storie, leterature e teatri, cuntune atenzion particolâr ae Resistence, aes storiis dal Nûfcent in Europe e ae culture dal Friûl. Si tache ai 26 di Avrîl cul libri di Paolo Strazzolini dedicât a Guidalberto Pasolini, e il dì dopo si viodarà il cine “Carnia 1944 – Un’estate di libertà” (Cjargne 1944-Un Istât di libertât), che al conte la esperience de Republiche partesane de Cjargne, cul senegjatôr Carlo Tolazzi. Ai 29 un altri libri che al fevele di Resistence, scrit dal storic Tommaso Piffer e ai 30 il prin spetacul teatrâl. Ai doi di Mai ancjemò teatri e ai 10 si siere cu la leture teatrâl di une opare di pre Antonio Roia. (A.I.) – 25.04.2025