Il studi di Afro Basaldella al torne tal cjistiel di Magnan

Il comun di Magnan al à decidût di fâ un omaç al artist Afro Libio Basaldella cu la mostre inmaneade tai spazis dal cjistiel: “Afro tal cjistiel di Prampero: il studi dal cidinôr (1961-1976)”. La mostre e rive propit tal ricuart dai 50 agns de muart dal artist e dal taramot che al à sdrumât il Friûl, butant jù il cjistiel che al jere stât la cjase dal artist e la sô farie creative dal 1961: une stagjon di maturitât plene e di tornade cussiente aes sôs lidrîs. Oparis, letaris, fotografiis e documents mai publicâts prime a trasmetin la atmosfere di chei agns e il dialic font jenfri la piture di Afro e il paisaç furlan. Il centri de mostre al è il studi, che al è stât fat su propit cemût che al jere prime de distruzion dal 1976, il cûr emotîf e sientific di dut il percors. (A.I.) – 15.06.2026