Il romanç dal regjist presentât in Badie

Si intitule “Tehran senza ritorno” il romanç dal regjist e senegjatôr Ferdinando Vicentini Orgnani, nassût a Milan ma cressût in Friul, che al sarà presentât vinars ai 3 aes 6 di dopomisdì te Badie di Rosacis te suaze dal calendari de decime edizion de rassegne “I colloqui dell’Abbazia”, (I colocuis de Badie), curade e vuidade di Elda Felluga e Margherita Reguitti. Il regjist, che tal 2019 al veve za publicât la racuelte di contis “Baba Carapa”, al à scrit e diret une schirie di cines e documentaris di sucès e di argoment diferent: “Vinodentro”, par esempli, al è dedicât ae storie de sô famee e ae produzion di vins di presi, intant che “Il più crudele dei giorni” al conte la storie di Ilaria Alpi. (A.I.) – 02.10.2025