Il protagonist dal libri al è (cuasi) compagn dal autôr

Un viaç tes realtâts paralelis, cuntune trame dut di ridi, ma fine. E je la narazion dal romanç “L’ultima falsità” di Diego Marani (Nave di Teseo editore), che al sarà presentât joibe ai 8 aes 6 di dopomisdì te Badie di Rosacis, te suaze de rassegne “I colocuis de Badie. Il viaç de cjarte gjeografiche di Livio Felluga”, curade e vuidade di Elda Felluga e Margherita Reguitti. Scrit di un autôr che al al lavore tant che diplomatic, propit compagn dal protagonist dal libri, premiât tal 2024 a “Pordenonelegge” e voltât par 15 lenghis diferentis, il romanç al è la storie di un passionât pe scriture, che al scjampe de realtât propit jentrant tes storiis di chei altris scritis tai libris. (A.I.) – 08.10.2025