Il vincidôr dal vincjesim secont Premi “Terzani”, Alaa Faraj, cul so romanç “Perché ero ragazzo” (Parcè che o jeri un fantat, jessût par Sellerio), al è un om libar. Condanât a 30 agns di preson par “complicitât in omicidis multiplis e violazion des leçs su la imigrazion”, daspò di dîs agns di preson in Sicilie, dulà che al à simpri mantignût la sô inocence, e je rivade la notizie tant spietade. La Cort di Apel di Messina e à acetât la sô domande di revision dal procès e e à ordenât la sô liberazion. Angela Terzani Staude, presidente de Jurie dal Premi, e sclarìs lis sôs emozions in chestis oris: “O vin ancjemò denant di nô la fuarce, il cûr e la umanitât straordenarie che Alaa al à trasmetût sul palc di sene a Udin cualchi dì indaûr, cuant che al à podût vignî a cjapâ il premi, in gracie de autorizazion dai magjistrâts. Savê che vuê, in spiete de revision dal procès, al è infin un om libar, no dome che nus fâs plasê e anzit e je propit une gjonde, ma al il fat al rinfuarce ancje la nestre fidance inte justizie. (A.I.) – 19.05.2026
Foto di L. d’Agostino
