Il Premi leterari di Tisane al cîr letôrs pe jurie

Ancjemò pôcs dîs par jentrâ inte jurie dai letôrs dal 30^ Premi leterari internazionâl “Latisana per il Nord-Est”. Il premi nol è dome par esperts, ma al à l’obietîf di tirâ dentri cui che al presee la buine leture. Viodût il numar simpri in cressite di domandis di partecipazion, la jurie dai letôrs e passe di siet a nûf components.

Par candidâsi ae jurie dai letôrs bisugne lâ sul sît www.premioletterariolatisana.it dentri di domenie ai 4 di Dicembar. La dì dopo, ae 1 dopomisdì in direte Facebook, la estrazion finâl dai nûf nomenâts che a formaran la jurie dai letôrs. E che a varan di judâ a sielzi la miôr produzion leterarie dal teritori. (A.I.) – 01.12.2022