Il pelegrinaç tal desert dal filosof di Mueç

L’editôr Audax al à publicât il gnûf libri dal filosof, poete e storic des religjons Emanuele Franz, “Pellegrinaggio nel deserto del Sahara” (Pelegrinaç tal desert dal Sahara). Viazâ par doi mil chilometris traviers dal savalon dal desert dal oracul di Ammone fint al munistîr cristian plui antîc tal mont, traviersant il desert dal Sahara par cirî la savietât origjinâl dal cristianisim antîc jenfri templis e munistîrs vecjos di milenis, il scritôr, filosof, poete e storic di Mueç al à tocjât ducj i lûcs critics de storie de religjon cristiane e no dome chel, visitant cualchi munistîrs cristian dai plui antîcs tal mont. (A.I.) – 15.01.2026