Il Pasolini furlan te prime zornade di Friuli Doc

Leture seniche sui agns furlans di Pier Paolo Pasolini te prime serade di Friuli Doc 2022, joibe ai 8 di Setembar dal 2022, aes 9 di sere a jentrade e libare. La ARLeF, in colaborazion cul Comun di Udin, e cu la produzion dal Teatro della Sete, e promôf la leture seniche “Di chesta tiara lontana” sui agns furlans di Pasolini. Il spetacul multimediâl in lenghe furlane al va in sene te cort di Palaç Morpurgo a Udin, cun chê di marcâ la anime furlane e passionade di Pasolini e esplorâ il rapuart che il scritôr al veve cu la marilenghe. Un confront pussibil in graciis dai scrits autobiografics che a vignaran puartâts in sene des vôs di Caterina Di Fant e di Valentina Rivelli, acompagnadis de musiche e dai dissens dal vîf di Giorgio Parisi e di Serena Giacchetta. (A.I.) – 07.09.2022