Il museu di Pasian al celebre la Zornade de radio

Passe mil visitadôrs, di dute la regjon e dal Venit, in a pene che un mês de sô inaugurazion. Cun chescj numars il Mirs, il gnûf Museu interatîf de radio e de societât di Pasian di Pordenon, si prepare a fâ fieste ai 13 di Fevrâr, pe Zornade mondiâl de radio. Une ricorence volude de Unesco par evidenziâ la impuartance de radio tant che strument di dialic, di partecipazion e istruzion globâl. Par chel dì, il museu al vierzarà in maniere straordenarie lis sôs puartis des 6.30 aes 8.30 sot sere, cuntun biliet di jentrade a presit limitât. Pe ocasion, al sarà presint il colezionist Pier Giorgio Vendramini, il “pai” des passe 400 radio storichis donadis al Comun pal museu. E sarà la ocasion ancje par ilustrâ il program plen di visitis vuidadis tematichis che al compagnarà i visitadôrs di sabide ai 15 e pai mês che a vegnin. (A.I.) – 12.02.2025