Il mosaic di Aquilee al centri di un spetacul

Une rapresentazion teatrâl origjinâl e no convenzionâl, ma che e scuint une riflession fonde sul nestri presint e sul nestri avignì. Cheste e je “La provocazione di Giona”, une rapresentazion di “azion teatrâl cu la musiche” che si davuelç te Basiliche Patriarcjâl di Aquilee miercus al prin di Lui aes 8 e mieze sot sere, produsude dal Teatro del Leone. La serade, a jentrade libare cence sore nuie, e viodarà la professore Gabriella Burba cun Romana Maiori e Dario Ponissi suntun palc di sene straordenari: la Basiliche, lûc sielt tant che Patrimoni Mondiâl de UNESCO dal 1998. Adun, i trê a presentaran une storie che e scomence cul sflandorôs mosaic dal Cicli di Giona, la part centrâl dal mosaic dal sest secul de Basiliche di Aquilee, e si slungje fint al dì di vuê e al avignì de nestre societât. Dut chest al sarà fat in dialic e in contat strent cul public, che al podarà sentâsi a dome cualchi centimetri dal mosaic e des sôs figuris straordenariis. (A.I.) – 30.06.2026