Il mont di Pasolini traviers lis sôs citâts, spietant il so complean

Si intitule “Il mondo di Pasolini tra il mare e le città” un articolât progjet che al tocjarà diviersis dissiplinis protagonistis de vite dal autôr, dal teatri ae fotografie, dal cine ae poesie, propit par memoreâ la figure straordenarie dal poete di Cjasarse. Traviers lis citâts protagonistis de vite di Pasolini a saran ripassâts, sot diviersis formis artistichis, i tescj, i tocs e i contignûts lassâts di Pasolini. Vinars ai 24 e sabide ai 25 a Triest, inte sede dal Gruppo Ermada Flavio Vidonis di Androna Campo Marzio, e je in program une cunvigne cun tancj studiôs di diviersis Universitâts e Centris di ricercje. Ai 4 e ai 5 di Març, in ocasion dal aniversari de nassite di Pasolini, si fevelarà di Pasolini a Rome in doi apontaments speciâi, che a laran in onde sui canâi sociâl dal progjet e di Duino&Book. (A.I.) – 23.02.2023