Il mês pe pâs si siere a Mortean

Il progjet “Un mês pe pâs” al è daûr a finî a Mortean. L’event inmaneât de Scuele di Musiche “Domus Musicae” in colaborazion cun “Ragazzi si cresce”, daspò di incuintris cun testemonis impuartants, concierts e la presentazion dal progjet “Parole e musica per un domani – percorsi di pace” (Peraulis e musiche par un doman – Trois di pâs) par cure de associazion Le Colone, si siere sabide ai 7 te Glesie de Sante Trinitât. Il diretôr artistic Giuseppe Tirelli al à metût adun une lungje serade la presentazion dal libri “La profezia del quotidiano” di Pierluigi Di Piazza par cure dal fradi Vito Di Piazza, l’intervent di Fabio Turchini e chel di Loris De Filippi, za president di Medici senza frontiere, cu la musiche sunade dal Domus Musicae Quartet. (A.I.) – 06.02.2026