Il Lusinç, un puint ‘licuit’ pe int che e je ator

Il flum Lusinç, la sô “identitât” transfrontaliere, lis sôs spuindis che a deventin un puint di incuintri e cognossince, un puint “licuit” par cui che al è a stâ dongje. Martars ai 24 a Gurize si presente il gnûf progjet “Isonzo che unisce” (Lusinç che al ten dongje), par sloven “Združeni ob Soč”i: un cine documentari a sîs vôs, ideât e promovût de fondazion Pordenonelegge.it cu la poie de regjon F-Vj te suaze di “GO!2025”. La narazion multimediâl e je stade fate di sîs autôrs talians e slovens: Alex Devetak, Angelo Floramo, Mateja Gomboc, Anja Mugerli, Luigi Nacci e Antonella Sbuelz, che a contin la storie, il paisaç, lis tradizions, la culture e i fatuts – vie pal timp – di un cors di aghe che al è il simbul di une frontiere de Mitteleurope. La presentazion e sarà fate te sede di Confindustria Alto Adriatico di Gurize dal diretôr artistic di pordenonelegge, Gian Mario Villalta, in dialic cui sîs protagoniscj.