Il libri su Porçûs e Gladio e la inteligjence artificiâl

Une gnove presentazion, daspò dal sucès des primis dôs, pal libri “Porzûs 1945. Prove di Gladio sul confine orientale – L’ultima inchiesta” (Purçûs. Provis di Gladio sul confin orientâl – la ultime inchieste) scrit de storiche e autore di saçs Alessandra Kersevan. I gnovis incuintris cul public a saran joibe ai 30 a S. Zorç di Noiâr, aes 8 e mieze sot sere te sale conferencis di vile Dora, e il dì dopo a Triest, li dal Circul de Stampe aes 5 e mieze di dopomisdì. La prime serade e sarà speciâl: la inteligjence artificiâl e fasarà la part dal “avocat dal diaul”, fasint domandis ae autore e confrontant lis rispuestis automatichis buridis fûr cun chês de ricercje storiche. Un esperiment mai fat prime, che al met dongje memorie e tecnologjie, invidant a rifleti cemût che la storie e pues jessi lete intune maniere diferente te ete digjitâl. (A.I.) – 29.10.2025