Il grant sucès de mostre di Vile Manin

Si è sierade domenie ai 12, cuntun risultât che nissun si spietave, la mostre “Confini”, Confins, promovude de regjon F-Vj e dal ERPAC par cure di Marco Goldin. Un sucès straordenari che al è tacât cuatri agns indaûr, cuant che la regjon e decidè di creâ un grant program di mostris pal 2025, che al cjapave dentri un teritori regjonâl larc, in ocasion di “GO!2025,” la capitâl europeane de culture. L’ERPAC al à ideât il progjet di une grande mostre internazionâl cul jutori di Marco Goldin, che in passât al veve za curât une schirie di esposizions di sucès par trê agns a Vile Manin di Passarian. Par cjapâ dentri cetantis oparis mestris di dut il mont – plui di 130 – e je stade restaurade dal dut une sezion de Vile Manin, la Esedre orientâl. Il risultât de mos5re al è stât un sucès grandonon, cun 130.356 visitadôrs, une medie di 800 par dì intes 163 zornadis che e je stade vierte. (A.I.) – 13.04.2026