Il festival dal libri al scomence di trê citâts

Miercus ai 14 al scomence cuntune inaugurazion in trê diviersis localitâts la 23e edizion di pordenonelegge, la fieste dal libri cui autôrs che fintremai a domenie ai 18 di Setembar e spiete 596 protagoniscj in 41 puescj a Pordenon (29) e intal rest dal Friûl Vignesie Julie (12), par plui di 300 events e passe 50 anteprimis editoriâls. Dopo la anteprime a Praghe, i events de prime zornade di cheste rassegne “su la puarte de storie” a son par cure di sîs grandis vôs dal nestri timp. Si partìs aes 6.30 dal dopomisdì al Teatro Verdi di Pordenon cu la scritore ceche Radka Denemarková e la autore taliane Silvia Avallone, aes 9 di sere a Triest si va indevant cui scritôrs Josef Pánek e Mauro Covacich e ae stesse ore su la Terace a mâr di Lignan, cun Markéta Pilátová e Matteo Bussola. (A.I.) – 13.09.2022