Il dialic di Floramo sul teme de tenarece

Daspò dal sucès dal Festival de citât ideâl a Palme, “Dialoghi” (Dialics) al puarte ancjemò i events ator pal Friûl cun siet incuintris sul teritori, tirant dentri scuelis e comunitâts. Joibe ai 2 il prin apontament, te sale consiliâr di Cuar di Rosacis aes 6 di dopomisdì, cuntune lezion speciâl di Angelo Floramo dedicade al teme de tenarece. L’autôr, une vôs cetant preseade te culture regjonâl, al fasarà un viaç naratîf che al met dongje profonditât umane e rigôr storic. (A.I.) – 01.10.2025