Il dì di S. Martin a Davâr: tradizion e arts

Pal dì di S. Martin, tal borc di Davâr che al è il stes non, dongje dal marcjât tradizionâl che al segne la fin dal an agricul, e sarà ancje la ocasion di cognossi lis iniziativis culturâls leadis ae storie e ae atualitât de comunitât de mont, coordenadis dal progjet di rigjenerazion culturâl di comunitât DSTM – Davâr storiis olmis materie. Di buinore e fint ae sere, tal prât devant de gleseute dedicade a S. Martin, al sarà un spazi dedicât ai laboratoris pai plui piçui e ae esposizion des ceramichis pituradis dai volontaris de associazion di Cele “Planelas e Scugjelas”, dongje des creazions dai artiscj Nicolas Vavassori e Daniela Daz Moretti. In esposizion ancje foto storichis di archivi e une instalazion par tirâ dentri i visitadôrs ator dal teme de cjartere che si cjate te valade, vuidâts di dôs espertis di antropologjie, Valentina De Marchi e Marta Pascolini. Vie pal dì, il violinist Giulio Venier al insegnarà a sunâ cualchi strument e aes 5 di dopomisdì al è in program l’omaç in musiche ae tiere di Cjargne dal cjantautôr Lino Straulino. (A.I.) – 10.11.2025