Il curadôr di Pordenonelegge invidât in Canadà

Il scritôr Alberto Garlini, curadôr dal festival Pordenonelegge, al è stât ospit tal fin de setemane de vincjesime otave edizion dal festival internazionâl di leterature “Metropoli Blu” a Montreal, in Canadà. Il teme di chest an al è “Peraulis pe comprension reciproche”, e la fieste e met dongje autôrs, pensadôrs e artiscj di dut il mont par celebrâ il podê de leterature e chel des ideis. Garlini al à puartât la sô vôs uniche e la sô prospetive ator de realtât a un public internazionâl, partecipant a une cunvigne dedicade propit a lui, vuidade dal scritôr Dominique Garand, cul titul “La Italie emozionante dai decenis dificii”, centrade su cualchi romanç dai siei che al va insot de storie taliane intai agns Setante e Otante dal Nûfcent. (A.I.) – 27.04.2026