Il confin a Gurize intune mostre

La associazion culturâl QuiAltrove cun sede a Gurize e presente il progjet di art partecipative “In ascolto. Tracce lungo il margine” (In scolte. Olmis dilunc dal ôr), inmaneât cul artist Matteo Attruia, che si siere cu la mostre “Stato di Confine”, Stât di confin, vierte al public dal 21 di Fevrâr e fint al 22 di Març tal spazi The Circle di Gurize in vie Rastello. Il progjet al ven fûr di un procès di scolte e di dialic cu lis comunitâts di Gurize, Palm, San Vît dal Tiliment e Triest e al rielabore il confin gjeografic, sociâl e simbolic tant che un spazi pes relazions. Tirant dentri zovins, migrants, vecjos e personis vulnerabilis, lis lôr peraulis e esperiencis a son deventadis il materiâl di un procès artistic condividût, che al instrece la art publiche e la pratiche partecipative, fasint cussì viodi chês esperiencis che dispès a son margjinalizadis. (A.I.) – 16.02.2026