Il cogo e scritôr furlan che al e lât a stâ in Gjapon

Ce intindino i gjaponês cuant che a fevelin di gustâ intune storie? La rispueste a cheste domande e rivarà dal scritôr furlan Flavio Parisi cul so gnûf libri “Tokyo è una grande cucina”, Tokyo e je une grande cusine, sottitulât “i gjaponês si cognossin a taule”, che al sarà presentât in doi apontamente a ingrès libar cence sore nuie: martars ai 16 aes 6.30 di dopomisdì li dal SpazioZero di Pordenon, dongje di Cinemazero, in colaborazion cu la librarie Quo Vadis e cun Pordenone Art and Food. Miercus ai 17 il libri, che al è nassût de esperience dal furlan, lât a Tokyo vincj agns indaûr dome cun doi chilos di spaghets e dôs scjatis di pomodoros, al sarà presentât ae stesse ore li dal Visionario di Udin dal autôr in dialic cun Matteo Bordone. Daspò dal incuintri si podarà viodi il cine “Takano Tofu” di Mihara Mitsuhiro, che al è vinçût la vincjesime seste edizion dal Far East Film Festival di Udin. (A.I.) – 15.09.2025